وصلتني بذور مشتراه من الانترنت انهارده

صباح الخير

انهارده وصلتني اخطار بوجود طرد عند البريد و روحت جبته و دفعت 10.75 قرش 

المهم انا كنت طالب البذور من موقع

https://www.rarexoticseeds.com/en

و هو موقع كندي و يحتوي علي العديد من البذور و بأسعار مناسبه جدا و كمان اسعار الشحن مناسبه ايضا للجميع

و دي صور للطرد و البذور

 

صوره للبذور مع علبه المحتوي 

حبيت اشاركم بالموضوع للناس اللي تحب تجرب الشراء عن طريق النت 

صوره لحوض السمك الجديد بعد التعديلات

صباح الخير 

حبيت اشاركم بصوره لحوضي الجديد بعد التعديلات البسيطه فيه اتمني يعجبكم 

قريبا موضوع زراعه الخضروات

مساء الخير 

قريب جدا هحطلكم موضوع عن زراعه الخيار و الطماطم و الكوسه و الشمام 

انتظروني 

فادي 

اخيرا نبتت البذور بعد انتظار طويل

صباح الخير 

تكلمت اني كنت اتحدث بشأن ان البذور لا تنموا و كنت قد قررت وضعهم في علبه بها قطن مبلول و غطاء و الحمد الله سبتهم في مكان دافي جمب مروحه الكمبيوتر 

و تاني يوم الحمد الله لقيت بذرتين من بذور الخيار نمت و ايضا بذره الذره نمت و لكن مازالت بذور الفلفل و الفلفل الحلو و الباذنجان الاسود كما هما 

فقمت بنقل البذور التي نمت الي تربه البتموس 

و الجميل ايضا اني وجدت ان بذور التي اضعها في كوبايات و بعد تغطيتها و وضعها في مكان دافيء نسبيا نمت بعض البذور 

حقا انها راحه بعد تعب و خوف من ان البذور قد تكون تالفه 

اذن المشكله كلها كانت التدفئه 

وضعت صوره للعلبه مع البذور اذ اني نقلت البذور اللي نمت الي كوبايات التشتيل 

اشتريت نباتات زينه

صباح الخير 

من يومين اشتريت نوعين من نباتات الزينه 

و بعد السؤال عن اساميهم وجدت ان هذا هو نبات العتر او العطر و هو نبات له رائحه جميله 

و نبات اوراقه جميله جدا و اسمه نبات الكوليوس 

 و الاهتمام بالنباتات دي مطلوب ان التربه تكون رطبه و ليست مغموره بالمياه ولا يتم غسل الاوراق بالماء و هي نباتات تحتاج اضائه نض شمس و نص ضل ولا يتم وضعه في ضوء الشمس المباشر في الصيف حتي لا تحترق اوراقهم و يتم تسميدهم كل 10 ايام بسماد متوازن و لا يتم التسميد في اوقات الحراره الشديده سواء بارده او حاره 

فادي 

بدايه زراعتي للخضروات في البيت 1

صباح الخير 

و انا بتصفح موقع و منتدي زراعه نت 

وجدت موضوع اكثر من رائع للعضو الاخطبوط و كان بخصوص الزراعه بدون تربه و لكن الاسف لما حاولت اطبقه وجدت اني لا املك المكان الكافي المساحه ولا التمويل الكافي 

و بعد تصفح اكثر وجدت موضوع اكثر للعضو العزيز محمد سكر و فيه كان الاستاذ محمد زرع الخضروات و كتب كل ما كان بيمر من خلال التجربه من مشاكل و غيرها 

بصراحه الموضوع عجبني جدا و خصوصا انه كان بسيط 

و عجبني ايضا شكل الطماطم و الباذنجان و شكل الخضره عموما الاني كنت ساعتها اخري ازرع عشبيات زي البقدونس و الكزبره و الشبت و الجرجير 

بس قررت اني ابتدي ازرع الخضروات في البيت 

و من هنا ابتديت ادور ايه الطلوب بالظبط علشان ازرع في البيت 

و كان المطلوب كالاتي :

تربه بتموس و برليت و حبه بودره بلاط و النسب هي 2 الي 1 اي 2 بتموس ل واحد برليت 

و كان عندي حوضين سمك بأحجام 80 سم * 40 * 40 سم و التاني كان 80 * 30 * 30 سم 

و الحوضين هياخدم تربه بحوالي 200 لتر بتموس و برليت علشان كده نزلت منطقه تحت الربع اللي خلف مدريه امن القاهره و هناك كان في كذا محل لبيع الترب البتموس و البرليت و الحمد الله المشوار كان بسيط رغم اني مش من القاهره 

و كانت التكلفه كالاتي : 

شيكاره بتموس 300 لتر و ليست 400 لتر كما هو مكتوب عليها و صناعه المانيه ب 135 جنيه 

ملحوظه الشيكاره تقيله جدا و كسرت ضهري 

شيكاره برليت 100 لتر بحوالي 60 جنيه 

و لسه مجبتش بودره البلاط 

بدايه التجهيزات عموما كانت هي عمل اخرام في احواض السمك لتسهيل خروج الماء الزائد في الري و طبعا لازم يتم خرمها عند واحد بتاع ازاز 

المهم انا قررت زراعه الاتي 

طماطم , كوسه , خيار , فلفل , باذنجان اسود , فلفل ملون , ذره , ملوخيه , و شمام و نوعين من ورود الزينه و خس صيني 

قمت بتقسيم الاحواض الي 3 مسافات بحيث تاخد 3 من المزروعات و قسمتهم 

و الباقي هيتحط في اصايص زرع بحجم 25 سم 

و طبعا البدايه كانت زراعه البذور في كوبايات بلاستيك و تربه بتموس  كشتلات  و بعدين انقلها للحوض الاساسي 


دي صوره البذور 

صور للكوبايات المزروع بها الشتلات مع اضافه تاريخ الزراعه 

  

انتظروني في استكمال الموضوع و متابعه اخر الاحوال 

فادي 

مدونه جديده

صباح الخير عليكم 

اول يوم لمدونتي هو انهارده 

مدونتي كان الغرض منها اني اسجل كل ما افعله في الزراعه في محاوله لنشر تجاربي البسيطه و نشر ما اعرفه بخصوص اللون الاخضر لون الحياه النباتات 

تحياتي للجميع 

فادي